اننت ناگ: ڈی ڈی سی ممبر ثمینہ حسین نے موسم سرما کی تیاریوں کا جائزہ لیا

ڈی ڈی سی ممبر ثمینہ حسین نے اچھہ بل کے مختلف سرکاری دفاتر کا دورہ کرتے ہوئے موسم سرما کی تیاریوں کا جائزہ لیا۔

جموں و کشمیر کے اننت ناگ میں بلاک اچھہ بل کی ڈی ڈی سی ممبر ثمینہ حسین نے بلاک کے مختلف سرکاری دفاتر کا دورہ کیا۔ دورے کے دوران ان کے ہمراہ ایڈووکیٹ ہاشم حسین بھی موجود تھے۔ اس دوران انہوں نے موسم سرما کی تیاریوں کا جائزہ لیا۔

ڈی ڈی سی نے سب ڈسٹرکٹ ہسپتال اچھہ بل اور فوڈ اینڈ سپلائیز کے دفتر کا دورہ کیا۔ انہوں نے افسران پر زور دیا کہ وہ موسم سرما کے لیے معقول انتظامات کریں تاکہ لوگوں کو کسی بھی قسم کی مشکلات کا سامنا نہ کرنا پڑے۔

اس موقع پر انہوں نے کہا کہ اچھہ بل میں عوام کو کسی بھی طرح کی مشکلات کا سامنا نہ کرنا پڑے، خاص کر سردی کے موسم میں اکثر بچے اور خواتین بیمار ہوجاتی ہیں، اس لئے ہسپتالوں میں معقول انتظامات ہوں۔