ضلع ترقیاتی کمشنر اننت ناگ کے کے سدھا نے آج اننت ناگ کے بجبہاڑہ کے پی ایچ سی مٹن، بمزوہ میں قائم واٹر فلٹریشن پلانٹ اور مختلف مقامات پر قائم پاور اسٹیشن کا معائنہ کیا۔ اس دوران ڈپٹی کمشنر کے ہمراہ اے ڈی سی اننت ناگ اور محکمہ کے اعلیٰ افسران بھی موجود تھے۔ اپنے دورے کے دوران انہوں نے محکمہ سے وابستہ عہدیداروں کو ہدایت کی کہ وہ پانی اور بجلی اور طبی سہولیت کو یقینی بنائیں۔
اس دوران اُنہوں نے بجلی اور پانی کی فراہمی کی بحالی کے لیے ذاتی طور پر بھی افسران کو ہدایت دی۔ ساتھ ہی راشن اور ادویات جیسی ضروری اشیاء کی دستیابی کو یقینی بنانے کے لئے بھی آفسران کو ہدایت دی۔ یہ بھی پڑھیں: اننت ناگ میں دوسرے روز بھی برفباری کا سلسلہ جاری
انہوں نے امور صارفین، صحت، بجلی، جل شکتی، آر اینڈ بی، پی ایم جی ایس وائی اور دیگر محکموں کے عہدیداروں کو ہدایت کی کہ وہ ضلع میں ضروری سامان اور خدمات کی بلا تعطل فراہمی کو یقینی بنانے کے لیے اپنے لوگوں اور مشینری کو متحرک کریں۔
