ڈی سی اننت ناگ نے کھرم حضرت بل کا دورہ کیا

دورے کے دوران افسران کو ہدایت دی گئی کہ علاقے میں عیدمیلادالنبیﷺ  سے پہلے پانی، بجلی، صحت اور اس سے وابستہ خدمات علاقے میں دستیاب کرائے جائیں۔

کووڈ-19 پروٹوکول پر سختی سے عمل کرنے پر زور دیتے ہوئے ڈپٹی کمشنر کے کے سدھا نے آج عید میلاد النبی ﷺ کے لئے تقریب کے سلسلے میں کھرم حضرت بل اننت ناگ کا دورہ کیا۔

دورے کے دوران افسران کو ہدایت دی گئی کہ علاقے میں عید میلادالنبیﷺ سے پہلے پانی، بجلی، صحت اور اس سے وابستہ خدمات علاقے میں دستیاب کرائے جائیں۔ان کے ہمراہ ایڈیشنل ڈپٹی کمشنر غلام حسن شیخ کے علاوہ دیگر افسران بھی موجود تھے۔ ڈپٹی کمشنر نے بلا تعطل پانی اور بجلی کی فراہمی کی یقین دہانی کرانے کے بارے میں مقامی اوقاف باڈی کو ہدایت دی۔

انہوں نے وقف کے عہدیداروں سے اس روز عقیدت مندوں کی تھرمل اسکریننگ اور احتیاطی تدابیر عمل لانے کی ہدایت دی۔

اس موقع پر ڈیپٹی کمشنر نے ماسک اور ڈھائی کوئنٹل چینی مقامی اوقاف باڈی کے سپرد کی، جو عیدمیلادالنبی ﷺ کی تقریب میں استعمال کی جائے گی۔