اننت ناگ میں بیک ٹو ولیج پروگرام کل سے شروع

اننت ناگ ضلع ترقیاتی کمشنر نے لوگوں سے اپیل کی کہ بیک ٹو ولیج میں بڑھ چڑھ کر حصہ لیں۔

تفصیلات کے مطابق بیک ٹو ولیج پروگرام کے حوالے سے ڈی سی اننت ناگ کلدیپ کرشن سدھا نے ایک پریس کانفرنس طلب کی۔ اس دوران انہوں نے لوگوں سے اپیل کی وہ اس میں بڑھ چڑھ کر حصہ لیں، تاکہ ان کے علاقوں کے مسائل کو سامنے لانے، ان کو سمجھنے اور ان کو حل کرنے میں آسانی ہو سکے۔

انہوں نے کہا کہ کل سے بیک ٹو ولیج کا تیسرا مرحلہ شروع ہونے جا رہا ہے۔ بیک ٹو ولیج سوم کے پہلے مرحلے میں افسران تین بلاکس کا دورہ کریں گے اور وہاں 2 رات اور تین دن قیام کر کے عوام کے مطالبات سنیں گے۔

کلدیپ کرشن سدھا نے بتایا کہ شانگس، شترگل اور اچھہ بل بلاکس میں افسران دورہ کریں گے۔

انہوں نے پنچایتی و عوامی نمائندوں سے تلقین کی کہ وہ اس پروگرام کا بھر پور فائدہ اٹھانے کی کوشش کرے اور اپنے علاقوں میں تعمیر و ترقی کی راہوں کو مزید ہموار کریں۔