Amarnath Yatra Meeting In Anantnag: امرناتھ یاترا کے سلسلے میں اننت ناگ میں میٹنگ

ضلع اننت ناگ کے ڈپٹی کمشنر ڈاکٹر پیوش سنگلا نے آج سالانہ امرناتھ یاترا کے سلسلے میں مختلف محکموں کے افسران کی میٹنگ منعقد کی۔ میٹنگ میں امرناتھ یاترا کے سلسلہ میں کی جا رہی تیاریوں کا جائزہ لیا گیا۔Amarnath Yatra Meeting In Anantnag

اننت ناگ:ضلع ترقیاتی کمشنر اننت ناگ ڈاکٹر پیوش سنگلا کی جانب سے مختلف محکموں کے افسران کے ساتھ امرناتھ یاترا کے سلسلہ میں کیے جا رہے انتظامات کا جائزہ لینے کے لیے ایک میٹنگ منعقد کی گئی۔ میٹنگ ضلع ترقیاتی کمشنر کے دفتر میں منعقد کی گئی جس میں مختلف محکموں کے افسران نے شرکت کی۔

میٹنگ میں مختلف محکموں جیسے، محکمہ صحت، آر اینڈ بی ،جل شکتی، پہلگام ڈیولاپمنٹ اتھارٹی ،اینمل ہسبنڈری ،و دیگر محکمہ جات کی جانب سے امرناتھ یاترا کے سلسلہ میں کی جا رہی تیاریوں کا جائزہ لیا گیا۔

ڈی سی نے تمام متعلقہ افسران پر زور دیا کہ امرناتھ یاترا سے جڑے کاموں میں سرعت لائیں اور تمام تر کاموں کو قبل از وقت مکمل کریں، تاکہ یاتریوں کو کسی طرح کی مشکلات کا سامنا نہ کرنا پڑے

ہم آپ کو بتادیں کہ شری امرناتھ یاترا جون 30 سے شروع ہونے والی ہے اور 11 آگست کو ختم ہوگی۔ یاترا کا رجسٹریشن 11 اپریل سے شروع ہوا ہے۔ عقیدت مند شرائن بورڈ کے موبائل ایپ اور ویب سائٹ کے ذریعہ بھی آن لائن اندراج کرسکتے ہیں۔