'الیکشن عملے کو تمام سہولیات فراہم کی جائے گی'

ڈی سی اننت ناگ، کے کے سدھا نے آج ڈی سی آفس اننت ناگ میں ایک اجلاس کی صدارت کی۔

اجلاس میں اسکولوں کو پینے کے پانی کی فراہمی کے سلسلے میں جل جیون مشن اننت ناگ کے نفاذ کا جائزہ لیا۔

اس میٹنگ میں سی پی او اننت ناگ، ایس ای۔ پی ایچ ای سرکل اننت ناگ اور ضلع کے افسران نے شرکت کی۔

ڈی سی نے متعلقہ افسران پر زور دیا کہ وہ ایسے تمام اسکولوں اور آنگن واڑی مرکز جہاں پر الیکشن مراکز قائم کئے جائیں گے پینے کے پانی کی سہولت فراہم کرے جو ایسی سہولیات سے ابھی تک محروم تھے۔

انہوں نے اسکولوں میں پینے کے پانی کی سہولیات کی حیثیت سے تمام تفصیلات فراہم کرنے کی ہدایت دی تاکہ الیکشن سے پہلے سارے سنٹرز میں پانی کی فراہمی کو یقینی بنایا جا سکے۔

ڈی سی نے افسران کو ہدایت دی کہ وہ ضلع کے تمام نجی اسکولوں میں جلد سے جلد پینے کے پانی کی سہولیات کی فراہمی کو یقینی بنائیں۔