منریگا ملازمین ڈیوٹی پر حاضر ہو جائیں، ورنہ۔۔۔

ضلع اننت ناگ میں منریگا ملازمین کو چوبیس گھنٹے کی مہلت، ڈیوٹی پر نہ لوٹنے کی صورت میں سبکدوشی کے احکامات۔

ضلع ترقیاتی کمشنر اننت ناگ کے کے سدھا کی جانب سے کام چھوڑ ہڑتال پر گئے منریگا ملازمین کو اپنی ڈیوٹی پر لوٹنے کو کہا گیا ہے۔

اس سلسلہ میں ڈی سی کی جانب سے ایک حکمنامہ جاری کیا گیا ہے جس میں محکمۂ دیہی ترقی کے جونیئر انجینئرس کو ہدایت دی گئی ہے کہ وہ اضافی طور منریگا کے ٹیکنیکل اسسٹنٹس کو سونپے گئے کام کاج کو اپنے ہاتھ میں لیں جب تک اگلا حکمنامہ جاری کیا جائے گا۔

اسسٹنٹ کمشنر ریونیو کو ہدایت دی گئی ہے کہ وہ منریگا کے تمام ٹیکنیکل سپورٹگ اسٹاف سے وابستہ افراد کو 24 گھنٹوں کے اندر ڈیوٹی پر لوٹنے کی ہدایت دیں۔ ناکام ہونے کی صورت میں سبکدوشی کا عمل شروع کیا جائے۔

واضح رہے کہ منریگا کے تحت کام کر رہے ملازمین اپنی مانگوں کو لے کر گزشتہ کئی روز سے کام چھوڑ ہڑتال پر ہیں۔