My Town My Pride Programme جن ابھیان کے تحت ڈی سی اننت ناگ نے سرگرمیوں کا جائزہ لیا

ضلع ترقیاتی کمشنر اننت ناگ ڈاکٹر بشارت قیوم نے ضلع کے 5 میونسپلٹیوں میں جن ابھیان کے تحت مختلف سرگرمیوں کا جائزہ لیا۔ موصوف نے تمام محکموں کو ہدایت دی ہے کہ وہ ان پروگرام میں بھرپور شرکت کو یقینی بنائیں۔My Town My Pride Programme In Anantnag

اننت ناگ:ضلع ترقیاتی کمشنر اننت ناگ ڈاکٹر بشارت قیوم نے پہلگام، عیشمقام، سیر، مٹن اور اننت ناگ کا وسیع دورہ کیا اور جن ابھیان کے تحت شروع کی جانے والی مختلف سرگرمیوں، مائی ٹاؤن مائی پرائڈ، کا جائزہ لیا۔DC anantnag Visits Municipalities

اس موقع پر بات کرتے ہوئے ڈی سی نے کہا کہ شہری جن ابھیان کا انعقاد شہریوں کی فلاح و بہبود اور شہری علاقوں کی منصوبہ بند ترقی کے لیے مختلف سرکاری اقدامات کے بارے میں لوگوں میں بیداری پھیلانے کے لیے کیا گیا ہے۔My Town My Pride Programme in Anantnagانہوں نے کہا کہ ماحولیاتی توازن کو برقرار رکھنے پر خصوصی زور دینے کے ساتھ، گرین ڈیولاپمنٹ کی ترقی کو یقینی بنانے پر خاص توجہ دی جارہی ہے۔انہوں نے کہا کہ اس پروگرام کا مقصد جوابدہ اور شفاف طرز حکمرانی کو یقینی بنانے کے لیے عوام اور حکومت کے درمیان رابطوں کو بڑھانا ہے۔

ڈاکٹر بشارت نے کہا کہ تمام محکموں کو ہدایت دی گئی ہے کہ وہ پروگرام میں بھرپور شرکت کو یقینی بنائیں۔انہوں نے کہا کہ ہر محکمے کی کارکردگی کا جائزہ لیا جا رہا ہے اور ضلعی افسران کو تاکید کی کہ وہ اس بات کو یقینی بنائیں کہ تفویض کردہ کاموں کو زمینی طور پر عملی جامہ پہنایا جائے۔