تیلونی شانگس علاقے کو پوری طرح سینٹائز کیا گیا

میونسپل کونسل اننت ناگ کی پہل کے بعد تیلونی شانگس علاقے کو پوری طرح سینٹائز کیا گیا جبکہ اس علاقے میں فیموگیشن کے عمل کا بھی آغاز ہوا۔

واضح رہے کہ علاقے سے کورونا کے مثبت معاملات سامنے آنے کے بعد ای ٹی وی بھارت کو لوگوں کی جانب سے لگاتار بدنظمی کی شکایات موصول ہو رہی تھی جس کے بعد یہ معاملہ متعلقہ حکام کے نوٹس میں لایا اور آج میونسپل کونسل اننت ناگ کے صدر ہلال احمد شاہ کی قیادت میں علاقے کو پوری طرح سے سینیٹاز کیا گیا۔

ان کے ہمراہ ایس ایچ او اچھا بل شفقت حسین بھی تھے۔ جبکہ لوگوں کو یقین دلایا گیا کہ انہیں انتظامیہ کی جانب سے مستقبل میں بھی ہر طرح کی مدد فراہم ہوگی۔

لوگوں نے انتظامیہ سے ضروری اشیاء کی ہوم ڈلیوری کا بھی مطالبہ کیا۔