'کولڈ اسٹوریج کے لیے درکار اخراجات کو سرکار برداشت کرے'

جموں و کشمیر کسان تحریک کے چیئرمین غلام نبی ملک نے کسانوں کے لیے موجودہ صورتحال کے تناظر میں مالی پیکیج کا مطالبہ کیا ہے۔

اننت ناگ میں میڈیا سے بات کرتے ہوئے ملک نے کہا کہ کورونا کی وبائی صورتحال کے دوران یہاں کا کسان و کاشتکار طبقہ سب سے زیادہ متاثر ہوا ہے اور ایسے میں سرکار کو چاہیے کہ کے سی سی جیسے قرض معاف کرے۔

انہوں نے کہا کہ کولڈ اسٹوریج کے لئے درکار اخراجات کو بھی حکومت کو اٹھانا چاہیے۔

انہوں نے کہا کہ لاک ڈاؤن میں مزید اضافے کی وجہ سے کسان و کاشتکاروں کو کافی نقصان ہوا ہے کیونکہ ان کا سارا مال کولڈ سٹوریج میں ڈمپ پڑا ہے۔