کانگریس کے سینیئر لیڈر پیر زادہ محمد سعید نے کہا ہے کہ بھارتیہ جنتا پارٹی کے دور اقتدار میں نہ صرف جموں و کشمیر بلکہ پورے ملک کی تصویر بدل گئی ہے۔ جبکہ ملک معاشی بدحالی کے ساتھ ساتھ اقتصادی بحران کا بھی شکار ہو گیا ہے۔ اننت ناگ کے دمحال کوکرناگ علاقے میں پارٹی کارکنوں کے ایک اجلاس سے خطاب کے بعد پیر زادہ نے ان باتوں کا اظہار کیا۔
انہوں نے کہا کہ ڈیلیمیٹیشن کا مطلب یہ ہے کہ بی جے پی چاہتی ہے کہ دوسری سیاسی جماعتوں کی ساخت کو ختم کیا جائے، تاکہ اقتدار میں وہی آجائیں. لیکن ان کی یہ غلط فہمی ہے۔ انہوں نے کہا کہ لوگ اُن کو بیلٹ کے ذرئعے جواب دیں کہ کہ ان کے لئے یہاں کوئی جگہ نہیں۔ پیر زادہ نے کارکنوں سے کانگریس کو بنیادی سطح پر مضبوط بنانے کی تلقین کی۔ اجلاس سے پارٹی کے کئی مقامی لیڈران نے بھی خطاب کیا۔
