Congress General Secretary in Anantnag: ضلع اننت ناگ کے لئے پرنس شیخ جنرل سیکرٹری نامزد

پرنس احمد شیخ نے 2018 میں کانگریس کی ٹکٹ پر بلدیاتی الیکشن (Local body elections on Congress ticket) میں حصہ لیا تھا، جس میں انہوں نے اپنی جیت کو یقینی بنایا اور تین ماہ قبل 13 کونسلروں کے سپورٹ سے انہیں میونسپل کمیٹی کوکرناگ کا پریزیڈنٹ بنایا گیا ہے۔

جنوبی ضلع اننت ناگ کے حلقہ انتخاب کوکرناگ (news of Kokernag constituency of Anantnag) سے تعلق رکھنے والے پرنس احمد شیخ کو کانگریس ہائی کمان نے ضلع کا جنرل سیکرٹری منتخب کیا ہے، اس حوالے سے آج میونسپل کمیٹی کوکرناگ میں ایک مختصر تقریب کا اہتمام کیا گیا، جس میں کانگریس پارٹی کے کارکنان نے پرنس احمد مبارکباد کو پیش کی۔

ای ٹی وی بھارت کے ساتھ بات کرتے ہوئے پرنس احمد نے پارٹی ہائی کمان کا شکریہ ادا کیا اور کہا کہ ''پارٹی ہائی کمان نے جو ذمہ داری سونپی ہے، میں کوشش کروں گا کہ میں ان تمام ذمہ داریوں پر اپنے ساتھیوں کے ہمراہ پورا کرنے کی پوری کوشش کروں گا۔''اس موقع پر پرنس نے کہا کہ ہر ایک پارٹی کا اپنا ایک موقف ہوتا ہے، اور جہاں تک کانگریس کا تعلق ہے ہماری پارٹی کا بھی ایک منشور ہے، انہوں نے کہا کہ ہم لوگوں کی بات کرتے ہیں، لوگوں کو جو بھی مسائل درپیش ہے ہم نے ہمیشہ لوگوں کے مشکلات کو اولین ترجیحات دی ہے۔ای ٹی وی بھارت سے بات کرتے ہوئے پرنس کا کہنا تھا کہ لوگ مشکلات سے دوچار ہیں، انہوں نے کہا کہ لوگوں کے مسائل میں دن بہ دن کمی ہونے کے بجائے اضافہ ہوتا جا رہا ہے۔

انہوں نے مرکزی حکومت سے مطالبہ کیا ہے کہ وہ جموں کشمیر میں جلد از جلد ریاستی درجہ بحال کریں اور اسمبلی الیکشن کا اعلان کریں، تاکہ یہاں جمہوری طرز پر ایک سرکار وجود میں آئے جو لوگوں کو پیش آنے والے مسائل سے چھٹکارا دلا سکے۔

واضح رہے کہ پرنس احمد شیخ نے 2018 میں کانگریس کی ٹکٹ پر بلدیاتی الیکشن میں حصہ لیا تھا، جس میں انہوں نے اپنی جیت کو یقینی بنایا اور تین ماہ قبل 13 کونسلروں کے سپورٹ سے انہیں میونسپل کمیٹی کوکرناگ کا پریزیڈنٹ بنایا گیا ہے۔