اننت ناگ: آبی ذخائر کے تحفظ کے لئے صفائی مہم

اس مہم کے دوران دکاندار اور علاقے کے سول سوسائٹی ممبران نے کچرا پھینکنے سے متعلق اپنے خیالات کا اظہار کیا۔

جنوبی کشمیر کے ضلع اننت ناگ کے اچھہ بل میں میونسپل کمیٹی، محکمہ آبپاشی اور غیر سرکاری تنظیم 'ویژن کشمیر' نے مل کر صفائی مہم کا انعقاد کیا۔ اس میں اس علاقے کے ماحولیات میں آبی ذخائر کی صفائی اور ان کے تحفظ پر توجہ دی گئی۔ قصبہ میں گلیوں اور نالوں کی صفائی کی گئی۔

اس سلسلے میں چیئرمین ویژن کشمیر شبیر احمد نے صاف پائیدار ماحول کو برقرار رکھنے کے لیے مقامی لوگوں سے اپیل کی کہ آبی ذخائر کو بچانے کے لیے اپنا تعاؤن دیں۔

میونسپل کمیٹی اور آبپاشی محکمہ نے مقامی لوگوں سے اپی کی کہ قصبہ کے ہر کونے کی صفائی کرنے میں تعاون کریں۔ صفائی ستھرائی کو یقینی بنائیں۔

اس مہم کے دوران بہت سارے دکاندار اور علاقے کے سول سوسائٹی ممبران نے کچرا پھینکنے سے متعلق اپنے خیالات کا اظہار کیا۔