اننت ناگ: عارضی صفائی ملازمین کا احتجاج

اننت ناگ کے میونسپل کمیٹی ڈورو ویری ناگ میں تعینات عارضی صفائی ملازمین نے اپنے مطالبات کے لیے احتجاج کیا۔

میونسپل کمیٹی ڈورو ویری ناگ میں تعینات عارضی صفائی ملازمین نے مستقلی میں تاخیر پر احتجاج کیا ہے۔ برستی بارش میں ملازمین گورنر انتظامیہ کے خلاف نعرے بلند کر رہے تھے۔

ملازمین کا کہنا تھا کہ وہ لوگ کافی عرصہ سے محکمہ میں اپنے فرائض انجام دے رہے ہیں تاہم حکومت کی جانب سے انہیں مستقل کرنے کے حوالے سے کوئی پالسی نہیں ہے جس کے سبب انہیں اپنا مستقبل تاریک نظر آ رہا ہے۔