اننت ناگ: سماج دشمن عناصر پر نظر رکھنے کے لئے لگائے جائیں گے سی سی ٹی وی کیمرا

جموں و کشمیر کے ضلع اننت ناگ کے ڈی سی ڈاکٹر پیوش سنگلا کے مطابق ضلع اننت ناگ نے مختلف سرکاری محکموں اور نجی کمپنیوں کے علاوہ شاپنگ مالز اور دیگر کاروباری اداروں بشمول ہوٹلز ریستوران، کلینک، نرسنگ ہومز اور اسپتالوں میں (اندرون اور بیرون) سی سی ٹی وی کیمرے نصب کیے جائیں گے۔ اس سلسلے میں پہلے ہی ایک حکم نامہ جاری کیا گیا ہے۔

ای ٹی وی بھارت سے بات کرتے ہوئے ڈی سی نے کہا کہ سماج دشمن عناصر اور ان کی سرگرمیوں پر نظر رکھنے کے لیے مزید نگرانی کے اقدامات کی ضرورت ہے۔ اس لئے مصروف ترین بازاروں اور دفاتر میں سی سی ٹی وی کیمروں کی ضرورت ہے۔

انہوں نے کہا کہ مصروف عوامی مقامات پر سی سی ٹی وی کی تنصیب مجرمانہ حرکات کو روکنے کا ایک اہم ذریعہ ثابت ہوگا، جو نہ صرف چوری سمیت دوسرے جرائم کو روکنے بلکہ بعض اوقات عوام کی جان و مال کی حفاظت کو ممکن بنانے کا ایک مفید ذریعہ ہے۔

ڈپٹی کمشنر اننت ناگ نے تمام محکموں اور اداروں کے سربراہان کو حکم دیا ہے کہ وہ جلد از جلد اپنے اپنے دفاتر میں سی سی ٹی وی کیمروں کی تنصیب کو یقینی بنائیں۔