ضلع اننت ناگ میں بی جے پی کے سینیئر رہنما لطیف احمد خاں نے ڈی ڈی سی انتخابات پر کہا کہ اب خاندانی راج کو ختم کرنے کے لیے بی جے پی جموں و کشمیر میں وجود میں آ رہی ہے۔
انہوں نے کہا یہ گزشتہ 70 سال سے جموں و کشمیر کے عوام کا استحصال کرکے ان سے ووٹ حاصل کیا گیا ہے۔
اُنہوں نے کہا کہ گپکار گینگ آج کل لوگوں کو گمراہ کرنے کے لئے پھر سے نئے بہانے بنا رہی ہے۔ تاہم بی جے پی ایسا ہر گز ہونے نہیں دے گی۔
ان کا مزید کہنا تھا کہ ریاست میں آج تک جتنے بھی حالات خراب ہوئے اُس کے ذمہ دار علاقے کی سیاسی پارٹیاں رہی ہیں، اُنہی کی وجہ سے یہاں کے نوجوان تشدد پر آمادہ ہو گئے ہیں۔
جب کہ بی جے پی کا مقصد یہ ہے کہ وادی میں تعمیر و ترقی اور خوشحالی کو آگے بڑھایا جائے۔ انہوں نے کہا کہ یہاں کے پڑھے لکھے نوجوانوں کے ہاتھوں میں بندوق کے بجائے لیپ ٹاپ تھما دیا جائے۔
اُنہوں نے اس بات کا دعوی کیا ہے کہ اس بار بی جے پی نے ہر جگہ پر اپنے نمائندے کھڑے کئے ہیں اور انہیں اُمید ہے کہ وہ اس دفعہ واضح اکثریت سے کامیابی حاصل کرے گی۔
