ڈورو اننت ناگ میں ایوی انفلوئنزا کا مثبت معاملہ

دس روز قبل آڑہ بل میں کچھ کوے مردہ پائے گئے تھے جس کے بعد ان کا نمونہ لیا گیا تھا، جو اب مثبت پایا گیا ہے۔

جنوبی کشمیر کے ضلع اننت ناگ کے علاقے ڈورو آڑہ بل سے برڈ فلو کے نام سے مشہور (ایوین انفلوئنزا) کا ایک کیس سامنے آیا ہے، جس کے بعد ایک رسپانس ٹیم تشکیل دی گئی۔

دس روز قبل آڑہ بل میں کچھ کوے مردہ پائے گئے تھے جس کے بعد ان کا نمونہ لیا گیا تھا، جو اب مثبت پایا گیا ہے۔ اس کیس کی تصدیق کے فورا بعد ہی علاقے میں ایک رسپانس ٹیم متعین کردی گئی ہے۔

ایوی انفلوئنزا

عہدیداروں نے بتایا کہ رسپانس ٹیم کے ذریعہ ایس او پیز کو مکمل طور پر اپنایا جا رہا ہے، اس کے علاوہ متاثرہ زون کی نشاندہی کے ساتھ ساتھ اس علاقے کی صفائی ستھرائی کے عمل بھی کئے جا رہے ہیں۔انہوں نے مزید کہا کہ عہدیداروں کو پولٹری کے نمونے سروے کرنے اور جمع کرنے کی ہدایت کی گئی ہے، جس میں گھر کے ارد گرد اور تجارتی پولٹری فارم بھی شامل ہیں۔

قابل ذکر ہے کہ جموں و کشمیر میں ہجرت کرنے والے پرندوں اور کؤوں میں مختلف جگہوں پر ایوین انفلوئنزا کے کیسز پائے گئے، تاہم، ابھی تک گھریلو پرندوں میں ایوی انفلوئنزا کے کیس صرف اودھم پور میں پائے گئے ہیں۔