اننت ناگ: رواں برس امرناتھ یاترا کا آغاز 30 جون سے ہوگا اور یہ یاترا 43 دنوں تک جاری رہے گی۔ حکومت کی طرف سے پہلے ہی اعلان کیا گیا ہے کہ امسال آٹھ لاکھ کے قریب یاتریوں کی آمد متوقع ہے۔ یاتریوں اور یاترا سے جڑے افراد کو اس کا بے صبری سے انتظار ہے، کیونکہ امرناتھ یاترا تقریبا تین سال بعد منعقد ہونے جا رہی ہے۔ Arrangement of Langar for Amarnath pilgrims
امرناتھ یاترا جو گزشتہ دو برسوں سے کورونا وبا کی وجہ سے نہیں ہو سکی تھی تو اُس دوران عقیدت مندوں کو دوردرشن کے ذریعہ امرناتھ شیولنگم کا درشن براہ راست نشر کیا گیا تھا۔ تاہم امسال کورونا میں کافی حد تک کمی آنے کے ساتھ ہی 30 جون سے شروع ہونے والی امرناتھ یاترا کے لیے انتظامیہ کی جانب سے دیگر سہولیات سمیت تمام تر حفاظتی انتظامات کو حتمی شکل دے دی گئی ہے۔
امرناتھ یاتریوں کے لیے بیس کیمپ کے علاوہ مختلف پڑاؤ پر لنگر کا اہتمام