وادی کشمیر کے باقی حصوں کی طرح آج جنوبی کشمیر کے ضلع اننت ناگ کے بلاک ویری ناگ میں بھی بلاک دیوس کا اہتمام کیا گیا جس میں ڈپٹی کمشنر اننت ناگ اور ایس ایس پی اننت ناگ کے علاوہ بلاک ویری ناگ کے تمام افسران اور مقامی لوگوں نے بڑھ چڑھ کر حصہ لیا۔
بلاک دیوس کے دوران مقامی لوگوں نے اپنے مسائل متعلقہ افسران تک پہنچانے کی کوشش کی۔ وہیں ڈپٹی کمشنر اننت ناگ نے افسران کو ہدایت دی کہ وہ فوری طور پر عوامی مسائل کو حل کریں۔
اگرچہ لیفٹیننٹ گورنر انتظامیہ کی طرف سے صاف طور پر احکامات ہے کے ہر بلاک دیوس میں کورونا وائرس جیسی خطرناک بیماری سے بچنے کے لیے ایس او پی کو عمل میں لانا ہے لیکن ویری ناگ میں اس بلاک دیوس کے دوران ان احکامات کی خلاف ورزی دیکھنے کو ملی۔
