اننت ناگ میں سرکاری زمین سے قبضہ ہٹانے کی مہم جاری

حکام کے مطابق ایسے افراد کے خلاف سخت کارروائی کی جائے گی اور کسی کو بھی کورونا کی وجہ سے پیدا شدہ صورتحال کا غلط فائدہ نہیں اٹھانے دیا جائے گا۔

سرکاری زمین سے قبضہ ہٹانے کی مہم کو جاری رکھتے ہوئے ایڈیشنل ڈی سی اننت ناگ گلزار احمد کی قیادت میں ونتراگ مٹن میں سینکڑوں کنال اراضی سے ناجائز قبضہ ہٹایا گیا۔

اس موقع پر زمین پر تعمیر کیے گئے عارضی ڈھانچوں اور فینسگ و تار بندی کو بھی ہٹا دیا گیا اور زمین کو بازیافت کیا گیا۔ مہم میں تحصیلدار مٹن عابد غنی و محکمہ مال کے دیگر افسران بھی شامل تھے۔ افسران نے ایسے افراد کو متنبہ کیا جو سرکاری زمین پر قبضہ کرنے کے مرتکب پائے جائیں گے۔

حکام کے مطابق ایسے افراد کے خلاف سخت کارروائی کی جائے گی اور کسی کو بھی کورونا وبا کے دوران پیدا شدہ صورتحال کا غلط فائدہ نہیں اٹھانے دیا جائے گا۔ اے ڈی سی کے مطابق آنے والے دنوں میں اس طرح کی مہم میں مزید شدت لائی جائے گی۔

اے ڈی سی نے عوام سے ایپل کرتے ہوئے کہا کہ وہ ضلع انتظامیہ کے ساتھ تعاون کریں۔