اننت ناگ: آنگن واڑی ورکرس کا احتجاج

ضلع اننت ناگ کے اسپورٹس اسٹیڈیم میں آنگن واڑی ورکرس و ہیلپرس نے مختلف مطالبات کی یکسوئی کے لیے احتجاج کیا۔

احتجاج کررہے لوگوں کا کہنا ہے کہ 'انہیں اپنے محکمہ کے علاوہ دیگر مختلف سرکاری محکموں میں کام کرنے کی ہدایت دی جاتی ہے۔

انہوں نے کہا کہ ایک جانب آئے روز ان پر کام کا بوجھ بڑھایا جارہا ہے اور دوسری جانب انہیں تنخواہ سے محروم رکھا جاتا ہے وہیں قلیل تنخواہ کی وجہ سے مہنگائی کے اس دور میں ان کا گزارا بھی مشکل ہے۔

احتجاجیوں کا مزید کہنا ہے کہ حکومت کی جانب سے انہیں آن لائن حاضری کرنے کی ہدایت دی گئی ہے جس کی وجہ سے ان کی مشکلات میں مزید اضافہ ہوا ہے نیز آئے روز نئے حکم ناموں اور گزشتہ سات ماہ سے تنخواہ کی عدم دستیابی سے وہ ذہنی کوفت کا شکار ہوئے ہیں۔