اننت ناگ: آنگن واڑی ورکرز اور ہیلپرس ایسوسی ایشن کی پریس کانفرنس

کورونا وائرس ہو یا کرفیو ہو یا کوئی بھی ناگہانی آفت ہو آگن واڑی ورکر ہر وقت پیش پیش رہتی ہیں، اس کے باوجود آنگن واڑی ہیلپرس اور ورکرز کو نظر انداز کیا جارہا ہے۔

اننت ناگ: جموں و کشمیر کے ضلع اننت ناگ میں آنگن واڑی ورکرز اور ہیلپرس ایسوسی ایشن نے پریس کانفرنس کے ذریعے اپنے تمام مراعات اور کام کے تناسب سے تنخواہیں فراہم کرنے کا حکومت سے مطالبہ کیا ہے۔

اننت ناگ میں میڈیا سے بات کرتے ہوئے آنگن واڑی ہیلپرس اور ورکرز کی ضلع صدر فہمیدہ اختر نے کہا کہ وہ کم اجرتوں کے باوجود بھی اپنے فرائض کی انجام دہی میں کوتاہیاں نہیں برتتے ہیں۔

انہوں نے کہا کہ کورونا وائرس ہو یا کرفیو ہو یا کوئی بھی ناگہانی آفت ہو آگن واڑی ورکر ہر وقت پیش پیش رہتی ہیں، اس کے باوجود ہمیں نظر انداز کیا جارہا ہے۔

انہوں نے مزید کہا کہ اگرچہ سخت مشکلات کا سامنا ایک آگن واڑی ورکر کرتی ہے لیکن اس کے باوجود بھی اعلیٰ حکام کی جانب سے آئے دن غیر تسلیم شده فرمان جاری کئے جاتے ہیں۔

انہوں نے یو ٹی کے لفٹنینٹ گورنر سے اس معاملے میں مداخلت کی اپیل کرتے ہوئے کہا کہ اگر مستقبل میں ان کے جائز مطالبات کو تسلیم نہیں کیا گیا تو احتجاج میں شدت لائی جائے گی۔

آنگن واڑی ہیلپرس اور ورکرز نے اپنے تمام مراعات اور کام کے تناسب سے تنخواہیں فراہم کرنے کا حکومت سے مطالبہ کیا ہے۔