اننت ناگ ورکنگ جرنلسٹ ایسوسی ایشن کے انتخابات

ضلع اننت ناگ کے ڈاک بنگلو کھنہ بل میں منگل کے روز ورکنگ جرنلسٹ ایسوسی اننت ناگ کی جانب سے انتخابات عمل میں لائے گئے۔

اس موقعہ پر ورکنگ جرنلسٹ ایسوسی ایشن کے 51 ممبران میں سے 48 ممبران نے خفیہ بیلٹ کے ذریعہ اپنا ووٹ ڈالا۔

ووٹ ڈالنے کے بعد ووٹوں کی گنتی عمل میں لائی گئی، جس دوران سینئر صحافی فیاض احمد لولو ایسو سی ایشن کے نائب صدر جبکہ ساحل سہیل جنرل سیکریٹری کا عہدہ حاصل کرنے میں کامیاب ہو گئے، تاہم صدر کے عہدے کے لئے دونوں امیدواروں کو مساوی ووٹ ملے، جس کے بعد ایسو سی ایشن کمیٹی کی جانب سے صدر کے عہدے کے لیے دوبارہ انتخابات عمل میں لانے کا فیصلہ لیا گیا جس کا اعلان جلد ہی کیا جائے۔

ای ٹی وی بھارت سے بات کرتے ہوئے فاتح امیدواروں نے تمام ممبران کا شکریہ ادا کرتے ہوئے کہا کہ وہ اننت ناگ ورکنگ جرنلسٹ ایسوسی ایشن کی بہتری کے لیے تن دہی سے کام کریں گے۔

انتخابات کو پُر امن اور شفاف طریقہ سے انجام دینے کے لیے اسسٹنٹ کمشنر ریونیو، ڈسٹرکٹ انفارمیشن افسر محمد عثمان ،تحصیلدار اننت ناگ واسی دیوہ کی نگرانی میں منعقد کرائے گئے۔