ویری ناگ: مشتبہ عسکریت پسندوں کا پولیس اہلکار کے گھر پر حملہ

جنوبی کشمیر کے ضلع اننت ناگ کے علاقے ویری ناگ میں بدھ کی شام دیر گئے مشتبہ عسکریت پسندوں نے پولیس اہلکار کی اہلیہ اور بیٹی کو گولی مار کر شدید زخمی کردیا۔

کوکا گنڈ ویری ناگ میں مشتبہ عسکریت پسندوں نے سجاد احمد نامی پولیس اہلکار کے گھر میں داخل ہو کر اندھا دھند گولیاں چلائی جس کے نتیجے میں اہلکار کی اہلیہ ناہدہ اور بیٹی شدید زخمی ہوگئیں انہیں نازک حالت میں ضلع اسپتال اننت ناگ منتقل کیا گیا ہے۔

فورسز اہلکاروں نے علاقے کو محاصرے میں لے کر حملہ آوروں کی تلاش شروع کی ہے۔