مقامی لوگوں کا کہنا ہے کہ چند برس قبل ان کے علاقہ میں سڑک کی تعمیر کے دوران متعدد عمارتیں منہدم کی گئیں۔ تاہم آج تک نہ سڑک کی تعمیر کا کام شروع کیا گیا اور نہ ہی لوگوں کو معاوضہ فراہم کیا گیا۔
خستہ حال سڑک سے لوگوں کو پریشانیوں کا سامنا انہوں نے کہا کہ 'اس معاملے سے متعلق متعدد بار انہوں نے متعلقہ محکمہ سے رجوع کیا۔ تاہم نا معلوم وجوہات کی بنا پر نہ تو سڑک کا کام شروع کیا جا رہا اور نہ ہی لوگوں کو معاوضہ فراہم کیا جا رہا ہے۔‘
ای ٹی وی بھارت کے ساتھ بات کرتے ہوئے مقامی باشندوں نے بتایا کہ سڑک کی خستہ حالی کے سبب ایمرجنسی کے دوران انہیں ناقابل بیان مشکلات سے دوچار ہونا پڑتا ہے۔ انہوں نے کہا ’سڑک کی خستہ حالی کے سبب بیماروں کو ہسپتال لے جانا بہت مشکل ہو جاتا ہے۔ وہیں، بچوں کو بھی اسکول جانے کے دوران کافی دقتوں کا سامنا کرنا پڑتا ہے۔‘
مقامی لوگوں نے انتظامیہ سے پر زور مطالبہ کرتے ہوئے معاملہ کی جانب غور کرنے کی اپیل کی ’’تاکہ علاقے کی غریب عوام راحت کی سانس لے سکیں۔‘‘
