پہلگام: ناقص میگڈمائزیشن سے لوگ ناراض

پہلگام-ولرہامہ، شاہ ناڈ کی رابطہ سڑک پر پی ایم جی ایس وائی کی جانب سے میگڈمائزیشن کا کام شروع کیا گیا تاہم لوگوں نے محکمہ تعمیرات عامہ پر قواعد کو بالائے طاق رکھ کر میگڈمائزیشن کرنے کا الزام عائد کیا ہے۔

جنوبی کشمیر کے ضلع اننت ناگ میں پہلگام - ولرہامہ، شاہ ناڈ سڑک کی میگڈمائزیشن میں قواعد کو بالائے طاق رکھنے کا الزام عائد کرتے ہوئے لوگوں نے محکمہ تعمیرات عامہ کو شدید تنقید کا نشانہ بنایا۔

عوامی شکایات کے پیش نظر دچھنی پورہ علاقے کے بی ڈی سی نے پہلگام - ولرہامہ، شاہ ناڈ سڑک کی میگڑمائزیشن کا از خود معائنہ کیا۔ انہوں نے محکمہ تعمیرات عامہ کے انجینئروں اور متعلقہ ٹھیکہ داروں پر قواعد کو بالائے طاق رکھنے کا الزام عائد کرتے ہوئے قواعد کے مطابق کام انجام دئے جانے کی تلقین کی۔

مقامی باشندوں نے الزام عائد کرتے ہوئے کہا: ’’سرکار کی جانب سے سڑک کی تعمیر کے لیے کروڑوں روپے واگزار کیے جاتے ہیں تاہم عوامی پیسوں کا صحیح استعمال نہیں کیا جا رہا ہے۔‘‘

انہوں نے کہا کہ ’’واگزار کی جا رہی رقومات کو صحیح معنوں میں استعمال میں لائے جانے کی ضرورت ہے مگر محکمہ پی ایم جی ایس وائی کے انجینئر صاحبان اپنی من مانی کے مطابق ٹیھکدارن کے ساتھ مل کر قواعد کو بالائے طاق رکھتے ہوئے کام انجام دے رہے ہیں۔‘‘

بی ڈی سی دچھنی پورہ سمیت مقامی باشندوں نے ضلع انتظامیہ سے مداخلت کی اپیل کرتے ہوئے قواعد کے مطابق میگڑمائزیشن کو عملی جامہ پہنائے جانے کی گزارش کی۔