اننت ناگ میں شراب اسمگلر گرفتار

تفصیلات کے مطابق ضلع اننت ناگ کے مین چوک کھنہ بل میں پولیس چیک پوائنٹ پر پولیس نے تلاشی کارروائی کے دوران ایک شخص کے قبضہ سے اکسٹھ شراب کی بوتلیں ضبط کی ہیں۔

اننت ناگ پولیس نے مذکورہ شخص کو حراست میں لےکر ایف آئی آر درج کی ہے۔ گرفتار شخص کی شناخت مگرکوٹ ضلع رامبن کے رہنے والے ونود سنگھ کے بطور ہوئی ہے۔

ابتدائی تحقیقات سے پتہ چلا ہے کہ مذکورہ شخص اننت ناگ کے مختلف علاقوں میں شراب کی تسکری کر رہا تھا۔

عوامی حلقوں کی جانب سے اننت ناگ پولیس کے اس قدم کی ستائش کی جا رہی ہے۔

انہوں نے پولیس سے مستقبل میں بھی منشیات کے خلاف ایسی کارروائیاں جاری رکھنے کی اپیل کی ہے۔