اننت ناگ: منشیات فروشی کے الزام میں ایک شخص گرفتار

منشیات مخالف مہم کو جاری رکھتے ہوئے اننت ناگ پولیس نے ایک منشیات فروش کی تحویل سے چرس پاؤڈر بر آمد کرکے ملزم کو گرفتار کر لیا۔

اننت ناگ پولیس نے منشیات سے متعلق ایک مصدقہ اطلاع موصول ہونے کے بعد ضلع کے ڈونی پاوا علاقے میں ناکہ قائم کیا۔

ناکے پر پولیس نے تلاشی کارروائی کے دروران ایک شخص کی تحویل سے پانچ کلو گرام چرس پاؤڈر کو ضبط کرکے منشیات فروش کو گرفتار کر لیا۔

پولیس نے حراست میں لیے گئے شخص کی شناخت شیر پورہ بالا کے رہنے والے عبد المجید گنائی ولد محمد شعبان گنائی کے طور پر کی ہے۔

پولیس نے ملزم کے خلاف این ڈی پی ایس ایکٹ کے تحت ایف آئی آر درج کرکے مزید کارروائی شروع کر دی ہے۔