اننت ناگ پولیس کو منشیات فروشی کے کاروبار سے متعلق ایک خفیہ اطلاع موصول ہوئی، جس کے بعد پولیس اسٹیشن مٹن نے محمد شفیع نجار نامی ایک شخص کے مکان پر چھاپہ مارا۔ پولیس بیان کے مطابق محمد شفیع کے گھر سے 500 کلو گرام فکی بر آمد کی گئی۔
اس سلسلے میں مٹن پولیس اسٹیشن نے این ڈی پی اسی ایکٹ کے تحت کیس درج کر کے منشیات فروش محمد شفیع کو گرفتار کرکے مزید تفتیش شروع کر دی ہے۔
پولیس نے ایک بار پھر عوام سے اپیل کی ہے کہ وہ منشیات فروشوں سے متعلق معلومات کو فوری طور پولیس تک پہنچائیں تاکہ منشیات کی روکتھام کے لیے بر وقت اقدامات اٹھائے جا سکیں۔
مزید پڑھیں: بجبہاڑہ: ادھورے پُل کی تعمیر کا مقامی لوگوں کو 10 برس سے انتظار
واضح رہے کہ گزشتہ کئی روز سے ضلع اننت ناگ میں بجبہاڑہ کے کئی علاقوں میں پولیس کی جانب سے منشیات فروشوں کے خلاف ایسی کارروائیاں عمل میں لائی گئی ہیں جس کی عوامی حلقوں نے کافی پذیرائی کی ہے۔
