ضلع اننت ناگ میں کوکرناگ کے آتھر علاقے کے لوگوں نے شکایت کی ہے کہ گزشتہ سال پردھان منتری گرام سڑک یوجنا اسکیم کے تحت علاقے میں تقریباً 9 کلومیٹر رابطہ سڑک تعمیر کی گئی اور سڑک کی کشادگی کے عمل کے دوران کئی لوگوں کے رہائشی مکانات، پھل دار درخت اور زمین رابط سڑک کی زد میں آگئے تھے۔
آتھر کوکرناگ کے لوگ گزشتہ برس سے معاوضہ کے منتظر
انہوں نے کہا کہ اُس وقت مقامی لوگوں سے وعدہ کیا گیا تھا کہ انہیں معاوضہ فراہم کیا جائے گا، لیکن ایک سال بعد بھی لوگ معاوضے کے منتظر ہیں۔
لوگوں کا کہنا ہے کہ مذکورہ علاقہ کافی پسماندہ ہے، جہاں رہائش پذیر لوگوں کی مالی حالت اچھی نہیں ہے، انہوں نے کہا کہ مقامی لوگوں کو اخروٹ وغیرہ کے درختوں سے کافی آمدنی حاصل ہوتی تھی، تاہم اب مقامی لوگ اُس آمدنی سے بھی محروم ہو گئے ہیں۔