جنگلات منڈی سے ڈونی پاوہ تک سڑک کو کشادہ کرنے کا مطالبہ

لوگوں کا کہنا ہے کہ سڑک کی تنگی کے سبب انہیں آئے روز مشکلات کا سامنا کرنا پڑتا ہے۔ ٹریفک میں خلل پڑنے کی وجہ سے عام لوگوں، اسکولی طلبہ اور خاص طور سے مریضوں کو ہسپتال پہنچانے میں کافی دقتیں پیش آ رہی ہیں۔

ضلع اننت ناگ کے جنگلات منڈی چوک سے گزر رہی سیاحتی شاہراہ ڈونی پاوہ علاقہ تک کافی تنگ ہے جس کی وجہ سے اس مقام پر روزانہ شدید ٹریفک جام ہو رہا ہے۔ حالانکہ یہ ایک اہم شاہراہ ہے جو اچھہ بل، کوکرناگ اور سنتھن ٹاپ جیسے اہم سیاحتی مقاماتکی جانب جاتی ہے۔ اس کے باوجود اس پر کوئی دھیان نہیں دیا جا رہا ہے۔

مذکورہ سڑک پر ٹریفک کا کافی دباؤ رہتا ہے۔ تاہم سڑک کشادہ نہ ہونے کے سبب جنگلات منڈی سے ڈونی پاوہ تک ٹریفک کی نقل و حمل میں کافی رکاوٹیں حائل ہو رہی ہیں۔

لوگوں کا کہنا ہے کہ سڑک کی تنگی کے سبب انہیں آئے روز مشکلات کا سامنا کرنا پڑتا ہے۔ ٹریفک میں خلل پڑنے کی وجہ سے عام لوگوں، اسکولی طلبہ اور خاص طور سے مریضوں کو ہسپتال پہنچانے میں کافی دقتیں پیش آ رہی ہیں۔

مقامی لوگوں نے سرکار سے اپیل کرتے ہوئے مذکورہ سڑک کو کشادہ کرنے کا مطالبہ کیا