نیشنل کانفرنس کے سینئر رہنما سید محمد شفیع کو ان کی پہلی برسی کے موقع پر ضلع اننت ناگ کے بجبہاڑہ علاقے میں ایک تقریب کا اہتمام کیا گیا۔ تقریب کے دوران مرحوم کی سیاسی خدمات کو یاد کرتے ہوئے انہیں خراج عقیدت پیش کیا گیا۔
این سی لیڈر سید محمد شفیع کی پہلی برسی کے موقع پر تقریب کا اہتمام
نیشنل کانفرنس کے کئی سینئر لیڈران جن میں صوبائی صدر ناصر اسلم وانی، سابق اسپیکر مبارک گل، ممبر پارلیمنٹ جسٹس حسنین مسعودی سمیت پارٹی کے کئی رہنمائوں اور ورکروں نے مرحوم کے حق میں فاتحہ خوانی کرتے ہوئے انہیں شاندار الفاظ میں خراج عقیدت پیش کیا۔
اس موقع پر سیاسی رہنمائوں نے مرحوم کو انسان دوست اور دور اندیش سیاسی رہنما قرار دیتے ہوئے کہا کہ انہوں نے خدمت خلق اللہ میں ہی اپنی ساری زندگی وقف کر دی تھی۔