اننت ناگ کی خاتون زخموں سے جانبر نہ ہو سکی

ہلاک شدہ خاتون کے گھر کی رسوئی میں کچھ روز قبل گیس خارج ہوئی تھی جس کے نتیجے میں وہاں آگ بھڑک اٹھی۔ اس حادثہ میں مذکورہ خاتون بری طرح جھلس گئی تھیں۔

جنوبی ضلع اننت ناگ کے مٹن علاقہ سے تعلق رکھنے والی 54 سالہ خاتون ایس ایم ایچ ایس ہسپتال میں آج زندگی کی جنگ ہار گئیں۔

تفصیلات کے مطابق جنوبی کشمیر کے ضلع اننت ناگ کے مٹن علاقہ کی رہائشی راجہ بانو نام کی خاتون کے گھر کی رسوئی میں کچھ روز قبل گیس خارج ہوئی تھی جس کے نتیجے میں وہاں آگ بھڑک اٹھی۔ اس حادثہ میں مذکورہ خاتون بری طرح جھلس گئیں۔

خوتون کو علاج و معالجہ کے لیے نزدیکی اننت ناگ کے جی ایم سی ہسپتال منتقل کیا گیا، جہاں اسے بہتر علاج کے لیے ایس ایم ایچ ایس ہسپتال سرینگر ریفر کیا گیا۔ وہاں پر آج وہ کئی دنوں بعد زندگی کی جنگ ہار گئی ہیں۔