ضلع اننت ناگ میں عید میلادالنبی ﷺ مذہبی عقیدت و احترام سے منایا گیا، ضلع کے مختلف مقامات پر درود و نعت خوانی کی محافل آراستہ ہوئیں وہیں بعض مقامات پر جلود بھی برآمد کیے گئے۔
عید میلاد النبی ﷺ کے سلسلے میں ضلع اننت ناگ کے مٹن، شانگس، کوکرناگ، ڈورو و دیگر تحصیل صدر مقامات سے جلوس برآمد ہوئے، تاہم سب سے بڑا جلوس قصبہ اننت ناگ سے برآمد ہوا جو زیارت ریشی صاحب (رحمۃ اللہ تعالیٰ علیہ) سے شروع ہوکر مختلف سڑکوں اور بازاروں سے ہوتے ہوئے اختتام پذیر ہوا۔
اننت نا گ: میلاد النبیﷺ جلوس میں سینکڑوں فرزندان توحید کی شرکت
جلوس میں سینکڑوں کی تعداد میں لوگوں نے شرکت کی، جن میں بزرگ، خواتین اور بچے بھی شامل تھے، اور سرور کائنات حضور اقدس ﷺ کے تیئں اپنی محبت کا اظہار کیا۔