کوکرناگ میں 33 سالہ شخص بجلی کا کرنٹ لگنے سے فوت

جنوبی کشمیر کے کوکرناگ علاقے میں ایک 33 سالہ شخص اپنے گھر میں بجلی تار کی مرمت کرتے ہوئے کرنٹ لگنے سے فوت ہوگیا۔

ضلع اننت ناگ کے نبوگ، لارنو، کوکرناگ علاقے میں اس وقت کہرام مچ گیا جب ایک 33 سالہ شخص گھر میں بجلی کے تار کی مرمت کے دوران بجلی کے راست رابطے میں آکر فوت ہوگیا۔

مقامی باشندوں کے مطابق سبزار احمد وانی ولد محمد شعبان وانی اپنے گھر میں تار کی مرمت کررہا تھا، اور بجلی کے راست رابطے میں آکر جھٹکا کھاکر بے ہوش ہوگیا۔

مقامی باشندوں نے بروقت کارروائی کرتے ہوئے اسے ہسپتال پہنچایا جہاں ڈاکٹروں نے اسے مردہ قرار دے دیا۔

سبزار احمد کی میت اس کے گھر پہنچاتے ہی نبوگ علاقے میں کہرام مچ گیا۔