اننت ناگ : اسکول میں کوایجوکیشن کے آغاز پر تقریب

بچوں اور والدین کو سرکاری اسکولوں کی طرف راغب کرنے کی غرض سے گورنمنٹ بوائز ہائر سیکنڈری اسکول براکپورہ اننت ناگ میں انرولمنٹ ڈرائیو کے تحت ایک تقریب کا اہتمام کیا گیا۔

تقریب کے دوران اسکول میں داخلہ پاچکے طلبا و طالبات کے لیے ویلکم پارٹی کا اہتمام کیا گیا۔

اس دوران طلبا وطالبات نے مختلف ثقافتی پروگرام پیش کیے ، جبکہ سرکار نے اسکول میں کو ایجوکیشن شروع کیے جانے کی ستائش کی ۔

اس موقع پر اسکول کے پرنسپل اعجاز احمد خان و دیگر متعلقین بھی موجود تھے۔

اسکول کے پرنسپل نے ای ٹی وی بھارت کے ساتھ بات کرتے ہوئے کہا اگرچہ اسکول میں اس وقت بچوں کا اچھا خاصا رول ہے، تاہم اساتذہ کی کمی کی وجہ سے بچوں کو تعلیم حاصل کرنے میں کافی دشواریوں کا سامنا کرنا پڑتا ہے۔