Shangas Bar Association Election: ایڈوکیٹ تسنیم یعقوب بار ایسو سی ایشن شانگس کے صدر منتخب

سیکریٹ بیلٹ کے تحت منعقد کی گئی ووٹنگ Shangas Bar Association Election کے دوران ایڈوکیٹ تسنیم یعقوب خان نے محض ایک ووٹ سے اپنے نزدیکی حریف ایڈوکیٹ شوکت احمد پر سبقت حاصل کر کے بار ایسو سی ایشن صدر Shangas Bar Association President کا عہدہ اپنے نام کر لیا۔

جنوبی کشمیر South Kashmir کے ضلع اننت ناگ کے شانگس کورٹ Shangas Court میں بار ایسوسی ایشن Bar Association Shangas کے انتخابات عمل میں لائے گئے۔

ووٹنگ سیکریٹ بیلٹ کے ذریعے انجام دی گئی جس میں محض ایک ووٹ سے ایڈوکیٹ تسنیم یعقوب خان Advocate Tasneem Yaqoob نے اپنے حریف ایڈوکیٹ شوکت احمد کو ہرا کر بار ایسوسی ایشن کے صدر کا عہدہ اپنے نام کر لیا۔

انتخاب میں سید عابد حسین بلامقابلہ جنرل سیکریٹری نامزد ہوئے جبکہ ایڈوکیٹ پیر زاده عاصف شفیع نے بطور الیکشن کمشنر اپنے فرائض انجام دیے۔

اس موقع پر نو منتخب عہدیداروں نے وکلاء و دیگر متعلقین کی فلاح و بہبود کا عزم دہراتے ہوئے کہا کہ کورٹ کمپلیکس میں وکلاء اور عوام کو درپیش مشکلات کا ازالہ انکی اولین ترجیحات میں شامل ہے۔

انہوں نے کہا کہ کمپلیکس میں ابھی بھی تعمیراتی کام زیر التوا ہے جسے بہت جلد مکمل کرنے کی اشد ضرورت ہے۔

انہوں نے مزید کہا کہ نئے وکلاء کو سرپرستی کی ضرورت ہے جس کے لیے انہیں بھرپور تعاون فراہم کیا جائے گا اور کوشش رہے گی کہ عوامی مسائل کو عدالت میں جلد از جلد حل کیا جائے۔ مستحق کو اسکا حق جبکہ سبھی افراد کو انصاف دلانے میں بار ایسو سی ایشن Bar Association Shangas اپنا کلیدی کردار ادا کرے گا۔

نو منتخب صدر نے وکلاء کا شکریہ ادا کرتے ہوئے کہا کہ الیکشن صاف و شفاف طریقے سے انجام دیا گیا جس میں وکلاء نے شرکت کرکے انہیں خدمت کا موقع فراہم کیا۔