اننت ناگ: سیر ہمدان میں سڑک حادثہ، 8 افراد زخمی

ضلع اننت ناگ میں دو گاڑیوں کے درمیان تصادم ہونے سے آٹھ افراد زخمی ہوگئے۔ زخمیوں کوایس ڈی ایچ اسپتال میں داخل کرایا گیا ہے۔

جنوبی کشمیر کے ضلع اننت ناگ کے سیر ہمدان علاقے میں پیر کے روز دو گاڑیوں کے درمیان خطرناک ٹکر ہوئی، اس حادثے میں آٹھ افراد زخمی ہوگئے۔

ذرائع کے مطابق اننت ناگ کے سیر ہمدان علاقے میں ٹویرا گاڑی زیر رجسٹریشن (JK22-8298) اور ایک لوڈ کیریئر زیر رجسٹریشن نمبر (JK03D-7529) آپس میں ٹکرا گئیں، جس کے نتیجے میں آٹھ افراد زخمی ہوگئے۔

زخمی افراد کو ایس ڈی ایچ اسپتال سیر منتقل کیا گیا ہے۔ جہاں سے ان میں سے چار زخمیوں کو خصوصی علاج کے لیے جی ایم سی اننت ناگ منتقل کیا گیا۔

دریں اثنا پولیس نے حادثے کی تصدیق کرتے ہوئے کہا کہ اس سلسلے میں تحقیقات شروع کردی ہے۔

۔