Land Cases Approved In Anantnag اننت ناگ میں اراضی منتقلی کے 50 کیسز منظور

ضلع ترقیاتی کمشنر اننت ناگ ڈاکٹر بشارت قیوم نے ڈی سی آفس کمپلیکس میں اراضی کے استعمال میں تبدیلی سی ایل یو(چینج ان لینڈ یُوز) کی درخواستوں کو منظوری دینے کے لیے میٹنگ کی صدرات کی۔ ڈی سی نے کہا کہ سی ایل یُو (چینج ان لینڈ یُوز) پالیسی عوام کے لیے فائدہ مند ہے اور لوگ اپنی اراضی کو موثر طریقے سے استعمال کر سکتے ہیں۔Land Cases Approved In Anantnag

اننت ناگ:ڈی سی آفس کمپلیکس میں اراضی کے استعمال میں تبدیلی، سی ایل یو، (چینج ان لینڈ یُوز) کی درخواستوں کو منظوری دینے کے لیے ضلع ترقیاتی کمشنر اننت ناگ ڈاکٹر بشارت قیوم کی صدارت میں ایک میٹنگ منعقد ہوئی۔CLU application approved In Anantnag

اسسٹنٹ کمشنر ریونیو اننت ناگ، شعیب نور نے آن لائن موصول ہونے والی درخواستیں پیش کیں۔ مختلف محکموں کے اسٹیک ہولڈرز کے ساتھ کیسوں کی بنیاد پر بات چیت کی گئی۔

محکمہ مال، دیہی ترقی، پولوشن کنٹرول بورڈ، جل شکتی، آر اینڈ بی، زراعت، صنعت و دیگر کئی محکمہ جات کے نمائندوں نے کیسوں پر اپنے تاثرات بیان کئے۔ تمام متعلقہ محکموں کے عدم اعتراض سرٹیفکیٹ پیش کرنے کے بعد 50 کیسز کو منظوری دی گئی۔

ڈاکٹر بشارت نے عہدیداروں کو تاکید کی کہ وہ اس بات کو یقینی بنائیں کہ مقدمات کی کارروائی بغیر کسی تاخیر کے کی جائے۔ انہوں نے کہا کہ کسی بھی درخواست کو مقررہ وقت میں نمٹا دیا جائے۔

انہوں نے کہا کہ سی ایل یُو پالیسی عوام کے لیے فائدہ مند ہے اور لوگ اپنی اراضی کو موثر طریقے سے استعمال کر سکتے ہیں۔ وہیں آن لائن عمل سے دفتری طوالت سے بھی چھٹکارا حاصل ہوگا ۔میٹنگ میں ایس ڈی ایم ڈورو، کوکرناگ، بجبہاڑہ، اے سی آر، اے سی ڈی، ایس ای آر اینڈ بی، ایس ای جل شکتی، ایگزیکٹیو انجینئر آر اینڈ بی اور جل شکتی، چیف ایگریکلچر افسر ، تحصیلدار اننت ناگ، بیجبہاڑہ، اور دیگر محکموں کے نمائندوں نے شرکت کی۔