کوکرناگ میں سڑک حادثہ، 2 افراد زخمی

جنوبی کشمیر کے ضلع اننت ناگ کے کوکرناگ علاقے میں سڑک حادثے کے دوران دو افراد زخمی ہوئے ہیں۔

ضلع اننت ناگ کے کوکرناگ علاقے میں بعد دوپہر دو گاڑیوں کے مابین ٹکر کے نتیجے میں 2 افراد زخمی ہو گئے۔

زخمی ہونے والے افراد میں ایک خاتون بھی شامل ہے۔ مقامی لوگوں نے زخمی افراد کو سب ضلع اسپتال کوکرناگ منتقل کیا، جہاں اُن کی حالت مستحکم بتائی جا رہی ہے۔

زخمی ہونے والوں میں فتح پورہ، گنڈ سے تعلق رکھنے والی نثارہ بیگم اور اکینگام کے عمیر الطاف شامل ہیں۔

پولیس نے اس سلسلے میں کیس درج کر کے مزید کارروائی شروع کر دی ہے۔