اننت ناگ: 11 برس کے یامین خورشید کی بلند پرواز

گیارہ برس کے یامین خورشید نے سرمائی کھیلوں میں کئی اعزاز اپنے نام کیے ہیں۔ وہ گذشتہ دو برسوں سے پہلگام کے مشہور اسکینگ کیمپ جواہر انسٹی ٹیوٹ آف مونٹینیرنگ اور ونٹر اسپورٹس میں تربیت حاصل کر رہے ہیں۔

وادی میں ہنر مند اور با صلاحیت نوجوانوں کی کمی نہیں ہے۔ یہاں کے نوجوان ہر میدان میں اپنا لوہا منوا رہے ہیں۔ ضلع اننت ناگ کے عش مقام کے رہنے والے یامین خورشید بھی کھیل کے میدان میں ضلع کا نام روشن کر رہے ہیں۔

حال ہی میں محکمہ سیاحت کی جانب سے پہلگام اور گلمرگ میں اسکینگ مقابلہ منعقد کرایا گیا تھا۔ جس میں گیارہ سالہ یامین خورشید نے اپنے ہنر کا بھرپور مظاہرہ کرتے ہوئے دونوں سیاحتی مقام پہلگام اور گلمرگ میں پہلی پوزیشن حاصل کی۔

یامین خورشید نے سرمائی کھیلوں میں کئی اعزازات اپنے نام کیے ہیں۔ وہ گذشتہ دو برسوں سے پہلگام کے مشہور اسکینگ کیمپ جواہر انسٹی ٹیوٹ آف مونٹینیرنگ اور ونٹر اسپورٹس میں تربیت حاصل کر رہے ہیں۔

اسکینگ کے متعدد مقابلوں میں میڈل اپنے نام کرنے والے یامین اس وقت اننت ناگ کے ایک نجی اسکول میں چھٹی جماعت کے طالب علم ہیں۔