Tokyo Olympics: میرابائی چانو نے ٹوکیو میں بھارت کو دلایا پہلا میڈل

میرا بائی چانو نے 49 کلوگرام میں سلور میڈل جیت کر تاریخ رقم کی ہے۔

ٹوکیو اولمپکس میں خواتین کی 49 کلوگرام زمرے میں بھارت کی اسٹار ویٹ لفٹر میرابائی چانو نے بھارت کے لیے چاندی کا پہلا تمغہ جیتا۔

بھارت کی جانب سے اولمپک تاریخ میں کرنم ملشوری کے بعد میرا بائی چانو نے 49 کلوگرام میں چاندی کا تمغہ جیت کر تاریخ رقم کی ہے۔

دوسرے نمبر پر رہنے والی میرا نے اپنے پہلے کلین اینڈ جرک آزمائشی فیصلہ کن مقابلے میں 110 کلوگرام وزن اٹھایا۔ میرابائی کی اس کارکردگی کے بعد بھارت کو ایک چاندی کا تمغہ ملا ہے۔

منی پور کے اس کھلاڑی نے بھارت کو فخر کا لمحہ دیا۔ اس سے قبل سنہ 2004 میں کرنم ملشوری نے ویٹ لفٹنگ میں کانسے کا تمغہ جیتا تھا۔

میرا بائی کے اس کارنامے پر وزیر اعظم نے انہیں مبارکباد پیش کی۔ انہوں نے لکھا کہ "ٹوکیو اولمپکس کی اس سے زیادہ بہتر شروعات نہیں ہو سکتی۔ میرا بائی آپ کو مبارک باد دیتا ہوں، آپ کی کامیابی تمام بھارتیوں کو ترغیب دے گی۔''