بھارتی باکسر ستیش کمار کو ہیوی ویٹ باکسنگ کوارٹر فائنل میں اُزبکستان کے کھلاڑی باخودِر جلولوو کے ہاتھوں 5-0 سے شکست کا سامنا کرنا پڑا۔ اس کے ساتھ ہی ستیش کا ٹوکیو اولمپک سفر ختم ہوگیا۔
ستیش کُمار نے اس سے قبل کولمبیا کے باکسر کے خلاف پری کوارٹر فائنل میچ میں 4-1 کی جیت درج کی تھی۔
ایشین چیمپیئن شپ میں دو بار کانسے کا تمغہ جیتنے والے ستیش کُمار کو کولمبیائی باکسر کے خراب فٹ ورک سے فائدہ ملا تھا جس کے سبب ستیش کوارٹر فائنل میں پہنچے تھے۔
پری کوارٹر فائنل میچ میں زخمی ہونے کی وجہ سے کوارٹر فائنل میں ستیش کُمار کی شرکت مشکوک تھی اس کے باوجود وہ رِنگ میں آئے لیکن انہیں شکست کا سامنا کرنا پڑا۔
