ٹوکیو اولمپک: منیکا بترا تیسرے راؤنڈ میں داخل

بھارتی ٹیبل ٹینس کھلاڑی منیکا بترا نے یوکرین کی مارگریٹا پیسوتسکا کو شکست دے کر اگلے راؤنڈ میں داخلہ حاصل کر لیا ہے۔

اسٹار ٹیبل ٹینس کھلاڑی منیکا بترا نے ٹوکیو اولمپکس میں اپنی بہترین کارکردگی کا سلسلہ جاری رکھتے ہوئے نہایت ہی دلچسپ مقابلے میں یوکرین کی مارگریٹا پیسوتسکا کے خلاف جیت حاصل کی۔ اس دوران ان کی اسکور لائن 11-4، 11-4، 7-11، 10-12، 11-8، 5-11، اور 5-11 رہی۔

میچ میں دو سیٹ میں پیچھے چل رہی منیکا بترا نے اگلے دو سیٹس جیت کر نقصان کی بھرپائی کی لیکن پانچویں سیٹ میں انہیں ایک بار پھر منہ کی کھانی پڑی تاہم انہوں نے زبردست واپسی کرتے ہوئے مسلسل دو سیٹس میں جیت حاصل کرتے ہوئے اگلے راؤنڈ میں قدم رکھا۔

اس سے قبل منیکا نے گزشتہ روز کھیلے گئے پہلے راؤنڈ کے میچ میں برطانوی کھلاڑی کو 0-4 ست شکست دی تھی یہ میچ تقریباً نصف گھنٹے تک چلا تھا جس میں منیکا نے 7-11، 10-11، 10-11 اور 9-11 سے جیت درج کی تھی۔

تاہم خواتین مکسڈ ڈبلز میں منیکا اور ان کی جوڑی دار پہلے ہی راؤنڈ میں شکست ہوگئی تھی لیکن سنگلز میں جیت حاصل کرکے انہوں نے اس کی بھرپائی کر دی۔