آسٹریلین اوپن چیمپئن: جوکووچ کا نویں مرتبہ خطاب پر قبضہ

سربیا سے تعلق رکھنے والے 33 سالہ ٹینس اسٹار نوواک جوکووچ نے آسٹریلیائی اوپن چمپیئن کے فائنل میں روس کے ڈینیل میدودیف کو شکست دے کر نویں مرتبہ خطاب اپنے نام کیا ہے۔

دنیا کے نمبر ایک ٹینس کھلاڑی سربیا کے نوواک جوکووچ نے میلبورن پارک میں اپنی بہترین کارکردگی کا مظاہرہ کرتے ہوئے روس کے ڈینیل میدودیف کو مسلسل سیٹوں میں 2-6 ،2-6، 5-7 سے شکست دے کر نویں مرتبہ سال کے پہلے گرینڈ سلیم آسٹریلین اوپن ٹینس ٹورنامنٹ کا خطاب جیت لیا ہے۔

پہلی پوزیشن کے کھلاڑی اور گزشتہ دو مرتبہ کے فاتح جوکووچ نے چوتھی پوزیشن کے میدیودیف کو ایک گھنٹے 53 منٹ میں شکست دے کر خطابی ہیٹرک مکمل کی اور نویں مرتبہ یہ خطاب اپنے نام کیا۔

جوکووچ کا یہ 18واں گرینڈ سلیم خطاب ہے۔ وہ سوئزرلینڈ کے روجر فیڈرر اور اسپین کے رافیل نڈال کے 20 گرینڈ سلیم خطاب کے عالمی ریکارڈ سے دو خطاب پیچھے رہ گئے ہیں۔

جوکووچ نے یہ خطاب 2008 ، 2011 ، 2012 ، 2013 ، 2015 ، 2016 ، 2019 ، 2020 ، 2021 میں جیتا ہے، انہوں نے اس کے علاوہ ایک مرتبہ پھر فرنچ اوپن ، ومبلڈن پانچ بار اور تین مرتبہ یو ایس اوپن کا خطاب اپنے نام کیا ہے۔