نکول گبس کینسر کے مرض میں مبتلا

امریکی ٹینس کھلاڑی نے بتایا کہ دانتوں کے ڈاکٹر نے ان کے منہ میں کینسر کی تشخیص کی ہے۔

امریکی ٹینس کھلاڑی نکول گبس نے فٹنیس مسائل کے باعث رواں ماہ شیڈول کے دوسرے گرینڈ سلیم ٹورنامنٹ فرینچ اوپن سے دستبرداری اختیار کر لی ہے۔

گبس نے ایک بیان میں کہا کہ انہیں دانتوں میں تکلیف تھی اور جب انہوں نے ڈاکٹر کو دکھایا تو انہیں منہ کے کینسر کی تشخیص ہوئی۔

نکول گبز کا کہنا ہے کہ وہ اس بیماری کے علاج کی وجہ سے فرنچ اوپن میں شریک ہونے سے قاصر ہیں البتہ جون میں ومبلڈن کے لیے کوالیفائی کرنے کا عزم رکھتی ہیں۔

انہوں نے اسکی اطلاع ٹویٹر کے ذریعے دی۔
واضح رہے کہ نکول اس وقت عالمی درجہ بندی میں 116 ویں مقام پر ہیں۔