اٹلی کے اوپن ٹینس ٹورنامنٹ میں اتوار کے روز اسپین کے رافیل نڈال نے سربیا کے عالمی نمبر ون کھلاڑی نوواک جوکووچ کو شکست دے کر مینز سنگلز ٹائٹل جیت لیا ہے۔
دو گھنٹے اور 49 منٹ تک جاری خطابی میچ میں نڈال نے جوکووچ کو ایک سخت مقابلے میں 7.5، 1.6 اور 6.3 سے شکست دے دی۔
نڈال اور جوکووچ کے مابین چھٹی مرتبہ اٹالین اوپن ٹائٹل میچ کھیلا گیا جس میں اسپینِش کھلاڑی نے سربیا کے کھلاڑی کو شکست دی۔ نڈال 12 ویں مرتبہ اس ٹورنامنٹ کے فائنل میں پہنچنے میں کامیاب رہے جس میں انہوں نے 10 مرتبہ ٹائٹل اپنے نام کیا۔
نڈال نے اس جیت کے ساتھ ہی جوکووچ کے جیتنے والے 36 اے ٹی پی ماسٹرز 1000 ٹائٹل کی بھی برابری کر لی ہے۔
نڈال پہلے سیٹ میں سخت جد و جہد کے بعد جیتنے میں کامیاب رہے جبکہ دوسرے سیٹ میں جوکووچ نے یکطرفہ جیت درج کی اور تیسرے سیٹ میں دونوں کھلاڑیوں نے سخت مقابلہ دکھایا لیکن آخر میں نڈال نے نمبر ون پلیئر کو شکست دے ہی دی۔