حمیرہ دوسری ثانیہ مرزا بن پائیں گی؟

شہرحیدرآباد کی ابھرتی ہوئی ٹینس اسٹار حمیرہ فرنچ اوپن جونیئر چیمپیئن شپ کے لیے منتخب ہوئی ہیں- بھارت سے منتخب ہونے والی وہ واحد ٹینس کھلاڑی ہیں جن کا وائلڈ کارڈ پر انتخاب عمل میں آیا ہے-

چیمپیئن شپ مقابلوں سے قبل 26 مئی کو انہیں کوالیفائنگ میچ میں کامیابی حاصل کرنی پڑے گی یہ میچ ہی چیمپئن شپ میں حمیرہ کی شمولیت کا فیصلہ کریگا-

حمیرہ اس مقابلے کیلئے کافی پر عزم ہیں، حیدرآباد کی اس جونئیر کھلاڑی نے ریاستی ، قومی و بین الاقوامی سطح کے مقابلوں میں زبردست کامیابی درج کی ہے تاہم افسوس کہ اب تک حکومت ان کی کارکردگی سے انجان ہے۔

ان کے کوچ سریکانت نے کہا کہ حمیرہ اس مقابلے کے لیے بالکل تیار ہیں اور یقیناَ وہ کامیاب لوٹیں گی۔

حمیرہ کے والد یوسف نے حکومت کی جانب سے تعاون حاصل نہ ہونے پر افسوس کا اظہار کرتے ہوئے کہا کہ دیگر ریاستوں کے مقابلے تلنگانہ میں کھلاڑیوں کی پذیرائی نہیں کی جاتی لڑکیوں کے اسپورٹس میں داخلے کی محمد یو سف نے حمایت کی اور کہا کہ خواتین کے اسپورٹس کھیلنے میں کوئی قباحت نہیں بلکہ ایسی لڑکیوں کی ہمت افزائی کی جانی چاہئیے تاکہ وہ ملک کا نام روشن کر سکیں۔