امریکی ٹینس کھلاڑی کوکو گوف کورونا سے متاثر ہونے کے بعد اولمپکس سے باہر

امریکی ٹینس کھلاڑی کوکو گوف نے کہا کہ "اولمپکس میں امریکہ کی نمائندگی کرنا میرا خواب رہا ہے اور مجھے امید ہے کہ مستقبل میں بھی مواقع ملیں گے۔"

امریکی ٹینس کھلاڑی کوکو گوف کا کورونا وائرس کا ٹیسٹ مثبت آیا ہے۔ جس کے بعد وہ ٹوکیو اولمپکس سے باہر ہوگئیں۔

کوکو گوف نے ٹوئٹ کرتے ہوئے لکھا کہ 'اس خبر کو شیئر کرتے ہوئے میں انتہائی مایوس ہوں کہ میرا کورونا رپورٹ مثبت پایا آیا ہے۔ جس کی وجہ سے میں ٹوکیو میں ہونے والے اولمپک نہیں کھیل سکوں گی۔

امریکی ٹینس کھلاڑی کوکو گوف کورونا سے متاثر ہونے کے بعد اولمپکس سے باہر

انہوں نے آگے لکھا کہ 'اولمپکس میں امریکہ کی نمائندگی کرنا میرا خواب رہا ہے۔ مجھے امید ہے کہ مستقبل میں مجھے مواقع ملیں گے۔'

واضح رہے کہ گوف اس ماہ کے شروع میں ومبلڈن کے چوتھے دور میں پہنچی تھی جہاں انہیں انجلیک کربر نے 6-4، 6-4 سے شکست دی تھی۔

ڈبلیو ٹی اے رینکنگ میں 17 سالہ کوکو گوف 25 ویں مقام پر ہے۔