وینس ولیمز کی سنسنی خیز شکست

ویمبلڈن میں اپنے پہلے ہی میچ میں 15سالہ کوری گاوف نے وینس ولیمز کو شکست دے کرسب کو حیران کردیا۔

امریکی ٹینس کھلاڑی کوری گاؤف نے گرانڈ سلیم کے پہلے ہی دور میں پانچ مرتبہ کی ویمبلڈن چمپین وینس ولیمز کو شکست دے کر تاریخ رقم کر دی۔

گاوف سب سے کم عمر میں ویمبلڈن میں کوالیفائی کرنے والی کھلاڑی بن گئی ہیں جس نے اپنے پہلے ہی میچ میں ٹینس کی لیجنڈ وینس ولیمس کو 6۔4 6۔4 کےاسکور سے شکست دے دی۔

گاؤف نے میچ کے بعد پریس کانفریس میں کہا کہ میں نے کبھی بھی ایسے نتیجے کی امید نہیں کی تھی۔ یقینا یہ ایک خواب کے سچ ہونے جیسا ہےجس کی وجہ سے میں بہت زیادہ خوش ہوں اور حیرت زدہ بھی۔

واضح رہے کہ گاؤف نے اپنا پہلا سیٹ 35 اور دوسرا 45 منٹ میں ہی جیت لیاتھا۔